قازاقستان رەسپۋبليكاسى ەنەرگەتيكا مينيسترلىگىنىڭ بۇيرىعى №332

  2016 جىلعى 19 شىلدە  استانا قالاسى تۇتىنۋ قالدىقتارىن قايتالاما شيكىزاتقا جاتقىزۋ ولشەمشارتتارىن بەكىتۋ تۋرالى قازاقستان رەسپۋبليكاسىنىڭ 2007 جىلعى 9 قاڭتارداعى ەكولوگيالىق كودەكسىنىڭ 297-1-بابىنىڭ 2-تارماعىنا سايكەس بۇيىرامىن: 1. قوسا بەرىلىپ وتىرعان تۇتىنۋ قالدىقتارىن قايتالاما شيكىزاتقا جاتقىزۋ ولشەمشارتتارى بەكىتىلسىن. 2. قازاقستان رەسپۋبليكاسى ەنەرگەتيكا مينيسترلىگىنىڭ قالدىقتاردى باسقارۋ دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەلەرىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق تىركەلگەن بۇيرىقتى العان كۇننەن باستاپ بەس جۇمىس كۇنى ىشىندە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 3) وسى بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ رەسمي ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى بەرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ءمينيسترىنىڭ مىندەتىن اتقارۋشى ءا.ماعاۋوۆ قازاقستان رەسپۋبليكاسى ەنەرگەتيكا ءمينيسترىنىڭ م.ا. 2016 جىلعى 19 شىلدەدەگى №332 بۇيرىعىمەن بەكىتىلگەن تۇتىنۋ قالدىقتارىن قايتالاما شيكىزاتقا جاتقىزۋ ولشەمشارتتارى 1-تاراۋ. جالپى ەرەجەلەر 1. وسى تۇتىنۋ قالدىقتارىن قايتالاما شيكىزاتقا جاتقىزۋ ولشەمشارتتارى (بۇدان ءارى – ولشەمشارتتار) قازاقستان رەسپۋبليكاسىنىڭ 2007 جىلعى 9 قاڭتارداعى ەكولوگيالىق كودەكسىنىڭ (بۇدان ءارى – كودەكس) 297-1-بابىنىڭ 2-تارماعىنا سايكەس ازىرلەندى. 2. كودەكستىڭ 297-1-بابىنىڭ 1-تارماعىنا سايكەس تۇتىنۋ قالدىقتارى, ناتيجەسىندە قالدىقتار ءونىم ءوندىرۋ پروتسەسىندە شيكىزاتتى جانە (نەمەسە) باسقا دا ماتەريالداردى ءىشىنارا نەمەسە تولىق الماستىرۋ ماقساتىنا قىزمەت ەتەتىن وپەراتسيالار جاسالعان سوڭ قايتالاما شيكىزات مارتەبەسىنە يە بولادى. 3. وسى ولشەمشارتتاردا پايدالانىلاتىن تەرميندەر مەن انىقتامالار كودەكسكە سايكەس قولدانىلادى. 2-تاراۋ. تۇتىنۋ قالدىقتارىن قايتالاما شيكىزاتقا جاتقىزۋ ولشەمشارتتارى 4. ولشەمشارتتارعا مىنالار جاتادى: 1) قايتالاما شيكىزات رەتىندە ودان ءارى پايدالانۋعا جارامدى قالدىقتار*. 2) ودان ءارى قايتا وڭدەۋ ءۇشىن شيكىزات رەتىندە پايدالانىلاتىن قالدىقتار; 3) سالماعى بويىنشا 2%-دان اسپايتىن ماتەريالداردان (قوسپالاردان) تۇراتىن تۇتىنۋ قالدىقتارى. ماتەريالدار (قوسپالار): شاڭ, توپىراق, وقشاۋلاۋ, حيميالىق نەمەسە بيولوگيالىق ىدىرايتىن زاتتار, بەتون جانە قۇبىرلار (بەتون, اعاش فراگمەنتتەرى نەمەسە توپىراقپەن تولتىرىلعان), بولات بالقىتۋ ۇدەرىستەرى, تەرميالىق وڭدەۋ ۇدەرىستەرى , وڭدەۋ بەتىنىڭ ۇدەرىستەرى (ونىڭ ىشىندە تازارتۋ, تەگىستەۋ, كەسۋ, دانەكەرلەۋ جانە وتپەن كەسۋ) ناتيجەسىندە تۋىندايتىن شلاك, وكالينا, شاڭ ۇستاۋ جۇيەلەرىنەن بولعان شاڭ, تەگىستەۋ شاڭى, شلام سياقتى قالدىقتار; 4) تامشى تۇزىلۋىمەن سۇيەمەلدەنبەيتىن شامالى مولشەردى قوسپاعاندا, ماي, مايلى ەمۋلسيا, جاعار ماي ماتەريالدارى مەن مايلارى جوق تۇتىنۋ قالدىقتارى; 5) قۇرامىندا كودەكستىڭ 287-بابىنىڭ 1-تارماعىنداعى كورسەتىلگەن زاتتار جوق تۇتىنۋ قالدىقتارى; 6) قۇرامىندا جابىن جانە بوياۋ تۇرىندەگى پوليۆينيلحلوريد جوق تۇتىنۋ قالدىقتارى. *قايتالاما شيكىزات رەتىندە ودان ءارى پايدالانۋعا جاتاتىن قالدىقتار, مىسالى: ماكۋلاتۋرا (قاعاز, كارتون), پلاستيكالىق قالدىقتار, شىنى بوتەلكەلەر (شىنى سىنىقتارى), سۇرەك جانە رەزەڭكە (كاۋچۋك) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 18 تامىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14120 بولىپ ەنگىزىلدى.